LAOAG CITY – Nasugatan ti maysa a driver ken ti pasahero na kalpasan a nasapagud nagluganan da a tricycle iti Brgy 51-A Nangalisan ditoy siudad ti Laoag.
Nabigbig ti tricycle driver a ni Loreto Pascual, agtawen ti 28, naasawaan ken residente ti Brgy 21 Laoag City, ken ti pasahero na ket ni Lovelyn Viernes, agtawen ti 31, residente ti Brgy 19 Darupidip iti ili a Pasuquin.
Segun ti PNP, bayat ti nga agpalaud a direksyon ti tricycle nga inturong ni Pascual ken nakalugan ni Niernes ket kelaat a nag-U-turn ti maysa a lugan nga inturong ni Rodora Ulit, agtawen ti 63, residente ti Brgy Nalupta iti siudad ti Batac rason a nasapgud ti tricycle,
Gapu ti insidente, nagsagaba ti sugat iti akin kannawan a saka ti dryber ken ti pasahero ket naitumog ti ulo na.
Dagus a naitaray dagitoy iti Laoag City General Hospital para ti pannakataming da.
