LAOAG CITY – Natiliw dagiti dua nga inidibidual iti naiyuswat nga anti illegal gambling operation iti maysa a pagtaengan iti Brgy. 21 ditoy siudad ti Laoag.
Nabigbig dagiti suspek nga isuda Kenneth Grande Quinto, agtawen ti 47, naasawaan ken ni Virginia Rara Villanueva, agtawen ti 51, negosyante ken agpada dagitoy a residente iti Brgy. 20 ditoy siudad.
Kuna ni PMsgt. Jason Domingo, iti PNP-Laoag nga iti panagresponde dagiti otoridad ket naaktuan nag agay-ayam ti mahjong.
Nakumpiskar manipod iti nagsusugalan dagiti maseknan ti maysa a Mahjong Table, 144 a pedaso ti Majong tiles; uppat a pedaso ti monobloc chair; dua a pedaso ti dice; maysa a plastic container a naglaon ti pusta a a 235 a pisos; maysa a plastic tray a naglaon iti blue chips, 16 a yellow plastic chips ken maysa a cellphone.
Kabayatanna, malaksid kadagiti dua a natiliw ket dua met dagiti nakalibas nga isuda Susana Real, addan iti legal nga edad ken residente iti Brgy. 19 ditoy siudad ken ni Sherwin Rabang a residente iti Brgy. 22.
Iti agdama ket nagtalinaed iti kustodyar dagiti otoridad dagiti natiliw a suspek para iti naan-anay a dokumentasyon.
