LAOAG CITY – Natay ti dua a pasyente gapu iti COVID-19 idinto a 10 met dagiti nagpositibo ditoy probinsya.
Basar iti gobyerno probinsyal, pimmusay da IN-C3018, lakay, agtawen ti 89, ken residente iti Brgy. Naguirangan, iti siudad ti Batac kenni IN-C2962, baket, agtawen ti 63 ken residente iti Brgy. 6 San Pedro, iti ili ti Bacarra.
Iti bilang dagiti baro a kaso, innem iti siudad ti Batac, dua ditoy siudad ti Laoag ken saggaysa ti baro a kaso iti ili ti Bangui ken Bacarra.
Gapu iti daytoy, umaboten ti 3323 ti total cases, nga addaan ti 533 active cases.
Awan met ti nairekord a nagimbag manipud iti COVID-19 raso a nagtalinad a 2738 recoveries ken 52 dagiti pimmusay.
