LAOAG CITY – Nagpositibo iti COVID-19 ti 283 a residente idinto a dua ti pimmusay ditoy probinsya.
Iti datus ti gobyerno probinsyal, 86 dagiti baro a kaso ditoy siudad ti Laoag, 32 iti ili ti Bacarra, 28 iti ili ti Dingras, agpada a 26 iti Carasi kken Bangui, 19 iti Marcos, 17 iti Dumalneg, 16 iti Pasuquin, 11 iti Badoc, innem iti siudad ti Batac, uppat iti San Nicolas, tallo iti Sarrat, sagdudua iti Solsona, Paoay, Vintar ken Piddig ken maysa iti Currimao.
Mainaig iti daytoy, dua pay ti pimmusay ditoy siudad.
Kabayatanna, nagimbag ti 55 a pasyente ditoy siudad ti Laoag, walo iti Bangui, tallo iti Currimao ken maysa iti Marcos.
Umaboten ti 7,007 ti kaso nga addaan ti 2,502 nga aktibo a kaso, 4,395 ti recoveries ken 110 dagiti pimmusay.
