LAOAG CITY – Natay dua a driver ti motorsiklo kalpasan ti nagsina nga aksidente ditoy probinsya ti Ilocos Norte.
Pimmusay ni Joselito Alonzo y Escalante, agtawen ti 40 ken residente iti Brgy. Capurictan iti ili ti Solsona kalpasan a nakadinnungpar na ti pampasahero a jeep nga inturong ni Rodolfo Layugan, agtawen ti 57 iti paset ti Brgy. Peralta iti ili a Dingras.
Segun ti imbestigasyon ti PNP-Dingras, agpadaya a direksyon ti nakamotorsiklo idi nakasabat na ti pampahasero a jeep a nagresulta ti panagdinnungpar da.
Gapo iti daytoy, nagsagaba ti sugat iti nagduduma a paset ti bagi ni Alonzo kangrunaan iti ulo na ken naitaray iti Dingras District Hospital ngem naideklara a dead on arrival.
Kabayatanna, natay ti agnagan ti Deny Sabuyan, agtawen ti 44, tubo ti Brgy. Magacan, Sanchez Mira, Cagayan ngem agdama nga agnanaed idiay Brgy. Magnuang, Batac kalpasan a nakadinnungpar na ti kontse nga inturong ni Florendo Duyao Jr., agtawen ti 44, naasawaan, tubo it Brgy. Marcos iti ili ti Banna ngem agdama nga agnanaed idiay Brgy. 17 Tabuc iti siudad ti Batac.
Segun ti imbestigasyon ti PNP Batac,bayat nga agpadaya a direksyon ti motorsiklo nga inturong ni Sabuyan ket nasabat na ti kotse a nagresulta ti panagdinnungpar da.
Nagsagaba ti nakana a sugat iti nagduduma a paset ti bagi ni Sabuyan kangrunaan iti ulo na a nakatairayan na iti ospital ngem naideklara a dead on arrival.
Rumrumwar a ni Sabuyan ket awanan ti helmet ken awanan ti lisensya na nga agmaneho.
