LAOAG CITY – Natiliw ti dua a lallaki ken dua ti nakalibas nga agsusugal iti pagtaraknan ti manok idiay Brgy. 3 iti ili ti Sarrat.
Nabigbig dagiti natiliw a da Juan Fernandez, agtawen 64, residente iti Brgy. 3, Sarrat kenni Nelio Gantala, agtawen 60, residente ti Brgy. 4, iti isu met laeng nga ili idinto a ti nakalibas ket ni Amado Malaki ken ti maysa a saan pay a kadwa da.
Segun kenni Pol. Major Roldan Suitos, natiliw dagiti suspek nga agay-ayam ti mahjong kalpasan a nangiyuswat ti PNP Sarrat iti Anti-Illegal Gambling Operation.
Nakumpiskar dagiti otoridad ti 2,520 a pusta, maysa a wooden table ken 4 a monobloc chairs nga inusar dagiti natiliw nga agsusugal.
Nagkedked dagiti suspek nga agsao mainaig iti pannakatiliw da.
Iti agdama, manarimaan iti imbestigasyon ti kameng ti PNP Sarrat.
Maipalagip nga adda manen ti natiliw nga agsusugal iti nasao nga ili itay napalabas a lawas.
