LAOAG CITY – Umaboten iti 9,182 ti kabuklan a kaso ti covid-19 ditoy probinsya kalpasan a nanayunan ti 235.
Addda metten 132 dagiti natay kalpasan a nanayunan ti dua ken agpada dagitoy a manipod iti ili ti Bangui.
Iti datos nga inparuk-at ti gobierno probinsyal, nagtalinaed a ditoy siudad ti Laoag ti nakairekord ti kangatoan a kaso nga umabot iti 69 ken sarunuen iti siudad ti Batac nga addaan ti 46 a kaso.
Kabayatanna, 35 ti kaso a nairekord iti ili ti Pasuquin, 23 iti Sarrat, 18 iti Dumalneg, 17 iti Pagudpud, 10 iti Burgos ken walo iti Bacarra.
Mainaig iti daytoy, agpada a nakairekord ti tallo a kaso iti ili ti Nueva Era ken San Nicolas idinto a saggaysa iti Bangui, Vintar ken iti ili ti Paoay.
Iti agdama ket adda ti 3,777 ti aktibo a kaso ti covid-19 ditoy probinsya idinto a nanayunan ti 113 dagiti nakarekobre rason nga addan 5,273 ti pakabuklan ti recoveries.
