LAOAG CITY – Dumanon iti 10 nga indibidual ti pimmusay idiay India.
Sumagmamano kadagitoy ket nairekord a pimmusay iti government hospital idiay Odisha’s Rourkela idinto a 3 iti election officers ken maysa a pulis iti Bhojpur district ti pimmusay gapu iti heat stroke.
Daytoy ket kalpasan nga immuli iti 45-46°C ti napudot a temperatura idinto a dagiti napalabas a lawas ket dimmanon iti 50°C ti heat index iti nagduduma a lugar iti nadakamat a lugar.
Karaman ditoy ti pannakapukaw ti kuryente ken kinakurang ti danum.
Mainaig iti daytoy, addaan ti gundaway a gapu ti panagngato ti temperatura ket mangitunda daytoy ti uram ken us-usaren dagiti otoridad ti ‘drone’ a mangbantay ken mangmonitor kadagiti uram iti kabantayan idiay Jammu ken Kashmir.
Malaksid iti daytoy, dagiti medical center wenno pasilidad ket maawananda ti puot ken rason ti pannakapukaw ti biagda.
Gapu iti daytoy, inkosiderar ti India’s National Centre for Disease Control a ti heat stroke ket maibilang kas maysa a “life-threatening” nga addaan ti mortality rate a 40 agingga 64%.
