LAOAG CITY – Agdagup ti sumurok 100 a milyon a pisos dagiti naipaay manen a tulong kadagiti mannalon ditoy probinsia.
Segun ken ni Gov. Matthew Marcos Manotoc, karaman ditoy ti naggapu iti Department of Agriculture ken iti gobierno probinsial ti Ilocos Norte.
Inpadanonna ti napalaos a panagyamanna iti Department of Agriculture gapu ta kaadduan a naipaay ket pinundoan iti nadakamat nga ahensia.
Inbatadna a nga dumanon iti 10 a milyon a pisos ti naggapu iti Department of Agriculture idinto a nakurkurang ngem pito a milyon a pisos ti naggapu iti probinsia.
Inlawlawagna a karaman kadagiti naipaay ket dagiti nagduduma nga agricultural inputs pakairamanan ti fuel subsidy a nakabenepisiaran ti 220 a mannalon iti probinsia kangrunaanna iti ili ti Carasi ken Dingras. Adda pay ti 150 a kalding.
Kabayatanna, kuna ti gobernador a saan nga agpangadua a mangipadanon kadagiti kasapulan dagiti umili nga agturong laeng iti opisinada.
