LAOAG CITY – Naragsak nga inpakaammo ni Mayor Rafael Benemerito iti ili ti Pagudpud nga addan iti 30 a porsiento ti nalpas iti Agro-Industrial Hub iti nasao nga ili.
Daytoy ket kalpasan a kalikagum ti Mayor a manayunan pay dagiti maipatpatakder nga industria iti ilida.
Segun kenkuana, babaen iti daytoy ket ad-adda pay a matulungan dagiti umili kangrunaanna iti pamastrekan dagitoy.
Inbatadna nga adda dagiti manamnama a sumangpet a baka a mabalin a taraknen dagiti miembro iti kooperatiba iti ilida.
Mainaig iti daytoy, kuna ni Mayor Benemerito nga adda ti maipasdek nga adda ti kalawana a 11 nga ektarya a ginatag ti lokal a gobierno iti ili ti Pagudpud.
Inlawlawagna a ditoy ti pakaipatakderan dagiti nagduduma a processing facility a pakaikabilan dagiti naruay a cultural products kas ti niyog a maidiaya kadagiti umili.
Innayonna a gagemna ti panagpaadu pay ti mulada a niyog tapno agserbi daytoy kas maysa kadagiti kangrunaan a pamastrekan dagiti umili.
