LAOAG CITY – Kinumpirmaran ni Vice Mayor Victor Racimo ti pannakadesgrasya ti maysa a dump truck iti paset ti Barangay Visaya iti ili ti Vintar.
Inbatad ti bise mayor a ti truck ket nagkarga ti batbato ken mapatta-patta nga umabot ti 15 dagiti nakalugan.
Kuna pay ni Racimo nga addan dagiti tallo a nakalugan ti truck nga immunan a naitaray iti ospital.
Segun ken ni Racimo, karaman pay kadagiti nakalugan ti truck ket maysa nga ubing a mapatta-patta nga agtawen ti lima.
Innayon na nga iti inisyal nga impormasyon na, napardas ti taray ti truck ken idi makadanun iti agslug a paset ti kalsada ket possible a napukawan ti kontrol ti driver a nangitunda ti pannakadesgrasya na.
