LAOAG CITY – Awan ti pakainaigan dagiti miembro ti Duterte Bloc iti diskusyon mainaig iti panagsukat ti liderato iti senado.
Daytoy ti inpasigurado ni newly elected Senate President Vicente “Tito” Sotto III.
Inlawlawag ni Sotto a dagiti senador a kaalyado ni dati a Presidente Rodrigo Duterte ket nawaya a makipaset ti Senate majority basta pagsayaatan ti senado ken iti intero a pagilian.
Inpalgak pay ni Sotto a saan a nairaman ti Duterte bloc iti naiyuswat a diskusyon iti panagsukat ti liderato iti senado gapu ta mabalin a saan a naipursige no ado unay dagiti senador a nakiraman.
Mainaig iti daytoy, pinaneknekan ni Senador Imee Marcos a ti Duterte bloc, a pakairamanan na ken da senador Ronald “Bato” dela Rosa, Bong Go, Rodante Marcoleta, ken Robin Padilla, ket awan ti ideya da iti panagsukat ti liderato iti senado.
