LAOAG CITY – Inbatad ni International Criminal Court (ICC) Assistant to Counsel Atty. Maria Kristina Conti nga agtuloy ti pannakausig ni dati a Presidente Rodrigo Duterte iti Trial Chamber II iti International Criminal Court (ICC) gapu iti kasona a cimes against humanity.
Daytoy ket iti baet ti impila a mosion ti dati a Presidente a baliwan wenno i-update dagiti naisubmitir a dokumento sakbay iti panangusig.
Mainaig iti daytoy ket iti panagkiddaw ti depensa a paigetan ti electronic protocol kageddan ti panagdanag nga usaren ti prosekusion dagiti open-source evidence.
Inawlawag met ni Conti a ti open-source evidence ket ti laeng media reports ken dadduma pay a sayangguseng ken saan a direkta nga usaren ti prosekusion.
Nupay kasta, maamoan ti desision ti korte iti kiddaw ti depensa bayat ti umay nga status conference inton Mierkoles, Septiembre 16 pakairamanan ti panagdesision ti panangusig inton Nobiembre 30.
