LAOAG CITY – Inpetteng ti International Criminal Court (ICC) ti agtultuloy a pannagipatungpalna ti mandatona mainaig iti naikeddeng a panagusig ken ni dati a Presidente Rodrigo Duterte iti baet dagiti impataw a sanksion ti gobierno ti Estados Unidos.
Segun ken ni ICC President Tomoko Akane, agtultuloy ti panangaramatda iti pannakabalinda para iti pagsayaatan dagiti biktima kadagiti seryoso a krimen.
Naikeddeng ti panagusig ken ni Duterte inton Nobiembre 30 idiay The Hauge, Netherlands mainaig iti sangsangoenna a kaso a crimes against humanity gapu kadagiti kaso ti panagpapatay iti kampanyana kontra iti iligal a droga.
Impakaammo ti tribunal ti takderna kalpasan ti panangiparuk-at ti baro ken naiget a saknsion ti administrasion ni United States President Donald Trump kontra iti nasao a korte.
