LAOAG CITY – Kinumpirmaran ni Ms. Judy Sabas Chief iti Land Transportation Office (LTO) iti ciudad ti Batac nga adda ti addang ti ahensya tapno maiparehistro dagiti electric bikes ditoy pagilyan.
Segun kenni Sabas, iti agdama ket manarimaan ti panagaramid dagiti opisyal ti LTO ti Implementing Rules and Regulations (IRR) iti nasao a linteg.
Nupay kasta, kuna ni Sabas nga awan pay ti naituding a petsa no kaano ti panangrugi ti panangparehistro kadagiti e-bike.
Inbatad na a ti rason no apay a napanunutan ti ahensya nga irehistro dagiti e-bike ket gapo ta adon dagiti aggatang ken adon dagiti agdaldalyasat kadagiti kalkalsada iti intero a pagilyan.
