LAOAG CITY – Manamnama a mausaren dagiti electric payments para iti panagirenew ti business permit ditoy ciudad ti Laoag mangrugi intono Enero 2022.
Daytoy ti inbatad ni Mr. Franz Felipe, ti Information Technology Officer ditoy ciudad ti Laoag.
Inlawlawag ni Felipe nga addan ti pinirmaan a katulagan ti lokal a gobierno, Development Bak of the Philippines (DBP), ken dagiti Payment Centers ditoy ciudad para iti daytoy nga addang.
Inpakaammo na nga iti sumaruno a lawas ket maiplastar ton dagiti E-payments ditoy ciudad ken mabunungan da ti kopya ti katulagan.
Maipalagip a daytoy ti nabayagen a kalikagom ti Business Permit and Licensing Office (BPLO) para iti al-alisto ti panagbayad dagiti addaan ti negosyo ditoy ciudad ti Laoag.
