LAOAG CITY – Inrekomendar ni Senador Raffy Tulfo iti Land Transportation Office (LTO) nga isyuan ti special driver’s license dagiti e-trike a dumaldalyasat iti secondary roads wenno iti ruar ti barangay ken subdivision uray pay “for private use” dagitoy.
Daytoy ket kas paset ti mailunglungalong a pagannurotan iti e-bikes ken e-trikes pakairamanan ti naan-anay a pannakaipawil iti panagdalyasatda kadagiti major thoroughfares.
Iti naisayangkat a consultative meeting, inpetteng ni Tulfo nga uray matiliw dagiti e-trike ket saanda a matiktiketan gapu ta awan ti lisensiada.
Gapu iti daytoy, insingasingna nga ikkan ti driver’s license dagiti agus-usar ti e-trike tapno mapilitan a sumurot kadagiti traffic rules.
Immannugot met ti Land Transportation Office iti gakat ken inrakurakna a mangrugi inton Enero 2 ket masapul a nakarehistron iti Land Transportation Office dagiti e-trike kas paset ti naig-iget a pagalagadan.
