LAOAG CITY – Pinalagipan ti Commision on Elections (COMELEC) dagiti senior citizen, Persons with Disability (PWD) ken masikog mainaig iti early voting hours inton eleksion.
Basar iti Commision on Elections, mabalinen nga agbutos dagitoy mangrugi iti alas-5 agingga alas-7 ti bigat tapno saanen a makigiddan pay iti panagdupudop dagiti botante.
Malaksid iti daytoy, maliklikan pay dagiti nasao a vulnerable sector iti kinabara ti panawen.
Nupay kasta, inlawlawag ti Commision on Elections, mabalin latta a makabutos dagitoy iti regular nga oras ti panagbutos mangrugi iti alas-7 ti bigat agingga iti alas-7 ti rabii.
Kabayatanna, naammoan nga adda latta ti priority lane para kadagiti maseknan tapno saanen a makipila pay ken makigiddan kadagiti dadduma pay a botante.
