LAOAG CITY – Saan a maimatangan dagiti dua a bulan a mapasaran ti lubong.
Daytoy ket kageddan ti maysa a panagsukisok ti American Astronomical Society maipanggep iti nasao a banag.
Nupay kasta, inlawlawag ni Engr. Fehlander Madriaga, dati a Provincial Director ti Department of Science and Technology, posible a makita daytoy babaen iti panagusar ti powerful telescope a maus-usar para iti stargazing.
Inbatadna a ti asteroid 2024 PT5 ket ag-orbit iti planeta manipud inton Setiembre 29 agingga Nobiembre 25 sakbay nga agsubli iti asteroid belt.
Inlawlawagna a naduktalan dagiti siyentipiko ti space object idi Agosto 7 iti babaen ti Asteroid Terrestrial-impact Last Alert System idiay Sutherland, South Africa.
Kunana a saan laeng ti Earth no diket mabalin pay ti dadduma a planeta ti pakapasamakan ti dua a bulan.
Innayonna nga awan met ti direkta nga epektona daytoy iti rabaw ti daga wenno kadagiti tattao iti lubong.
Maipalagip a kalpasan a nakumpleto ti maysa a mini-moon episode, basar iti panagadal ti 2024 PT5 ket tumalaw iti aglawlaw ti Earth iti umuna a paset ti 2025 agingga iti sumaruno a panagsubli daytoy inton 2055.
