LAOAG CITY – Agtultuloy ti panangipaay ti Embahada ti Pilipinas iti Myanmar ti tulong para kadagiti Overseas Filipino Workers a naapektaran ti magnitude 7.7 a gingined iti kallabes.
Inrakurak ti Embahada ti panangipatungpal na ti Earthquake Assistance Programs kadagiti Pilipino a naapektaran ti napigsa a gingined.
Malaksid iti daytoy, nangidiaya pay Embahada ti repatriation usar ti C130 aircraft ti gobyerno a sumangpet idiay Myanmar intono Abril 12 ita a tawen.
Mangipapaay pay ti Embahada ti transportation assistance agturong iti Yangon para kadagiti Overseas Filipino Workers a kasapulan a maibakwit, malaksid iti libre nga
akumudasyon ken pinansyal a tulong kadagiti Pilipino nga agkasapulan.
Iti agdama ket nagtalinaed a fully booked dagiti amin a commercial flights iti nasao a pagilian gapu iti insidente.
Naamoan nga iti kanito a mai-repatriate dagiti Overseas Filipino Workers ket mabalin danto paylaeng ti agsubli idiay Myanmar basta makumpleto da dagiti kasapulan a dokumento.
