LAOAG CITY – Ballaigi ti insayangkat nga Earthquake Drill ti gobierno lokal ditoy ciudad ti Laoag babaen iti panangidaulo ti City Disaster Risk Reduction and Management Office ken dadduma pay nga ahensya ti gobierno.
Ti naisayangkat nga earthquake drill ket nakipagpasetan dagiti amin nga empleado iti lokal a gobierno ditoy ciudad ken dagiti sumagmamano nga umili.
Basar iti nagbalin nga assessment ni Dr. Melvin Manual, ti mangidadaulo ti City Disaster Risk Reduction Management Office ditoy ciudad, adda dagiti sumagmamano nga indibidual a saan a nangseryoso a nasayaat ti earthquake drill.
Kunana a kabayatan iti evacuation ket adda dagiti saan a nangaramid iti duck, cover and hold ken adda pay dagiti nagpayong a napan iti open area.
Mainaig iti daytoy, kuna ni Manuel a maysa pay a nakita da a kurang ket ti panagreport dagiti amin a departamento no mano ti bilang dagiti empleado da.
Innayon na a no maipanggep iti search and rescue operation ket awan met ti nagbalin a problema.
