LAOAG CITY – Ibilang ti Provincial Disaster Risk Reduction and Management Council a napintas ti pannakaisayangkat ti earthquake drill a naisayangkat iti Dap-ayan Building ditoy probinsya iti kaunaan a gundaway.
Segun kenni Mr. Micheal Pebenito, agpapaay iti nasao nga opisina, a nakipagpaset dagiti empleado kadagiti nagduduma nga ahensia a nakabase iti Dap-ayan, karaman dagiti kliyente da a nairana a nagturong iti lugar, pakairamanan ti Philippine Statistics Authority.
Inlawlawag ni Pebenito a kabayatan ti drill ket naisayangkat dagiti nagduduma a senario a mabalin a mapasamak no adda ti mapasaran a gingined kas iti pannakaparnuay ti uram, adda dagiti mapupuk iti uneg ti pasdek, kaadda dagiti mapasamak nga aksidente ken dadduma pay.
Mainaig iti daytoy, nagyaman ti gobierno probinsial ti inpaayda a suporta iti probinsia iti panangipakubosda a ditoy a maisayangkat ti nasao nga aktibidad.
