LAOAG CITY – Nagpalya ti electronic business licensing permit system ditoy siudad ti Laoag bayat ti umuna nga aldaw ti panag-renew dagiti negosyo.
Segun ken ni Mrs. Antonette Bareng, OIC ti business permit and licensing office ditoy siudad, ti kangrunaan a makaigapu ti panagpalya ti system ket ti panagpukaw ti internet.
Immuna iti daytoy, inbatad ni Bareng nga ad-ado dagiti personal a nagturong iti opisina da para iti panag-renew nu ikompara iti napalpalabas a tawen.
Gapu iti daytoy, mangnamnama a masursuro dagiti tax payers ti agaplikar iti online tapno saan a dupodop ti tattao iti opisina da ken al-alisto ti proseso.
Naamoan nga umabot iti 6,000 a tax payers ti ag-renew ti business permit na ditoy siudad ti Laoag ita a tawen manipod iti agarup 5,400 idi tawen 2022.
