LAOAG CITY – Inbatad ni Dr. Joseph Adaya, ti mangidadaulo ti contact tracing team ditoy ciudad ti Laoag a maiprayoridad dagiti economic workes ken dagiti indigent a residente seknan iti 70 milyon a pisos nga utangen ti lokal a gobierno para iti paggatang ti bakuna.
Ti nasao a kantidad ket naipasan iti lokal a gobierno ditoy ciudad.
Segun kenni Adaya, ti rason no apay a dagiti economic workes ken dagiti indigent a residente ti maiprayoridad ket gapo ta manarimaanen ti pannakabakuna dagiti ummuna a grupo dagiti tattao kas iti medical health workers, BHW/BHERTS ken dagiti senior citizens
Inlawlawag na a ti kangrunaan a pagal-alaan ita ti ciudad ti Laoag ti bakuna ket iti gobierno national babaen iti Dept. of Health.
Maipalagip a kalikagom ti lokal a gobierno ti ciudad ti a 60-70% a populasyon ditoy ciudad ti mabakunaan babaen iti 70 a milyon a pisos a mautang.
Rumrumuar a ti pondo ti kada tao ket agarop sangaribo a pisos para iti dua a doses ti bakuna kontra covid-19.
