LAOAG CITY – Nagballaag ti grupo ti EcoWaste Coalition gapu iti kinaadu ti aglaklako kadagiti lucky charms bracelet a narisgo iti salun-at ti tao gapu ta addaan daytoy ti nangato a cadmium content.
Gapu ta dandanin ti Chinese New Year ket uso manen ti panaglako kadagitoy kadagiti tiendaan idiay Manila nga addaan ti nagduduma a klase ti lucky charms nga addaan ti kemikal a maysa a klase ti makasabidong a metal a mabalin a malang-ab wenno maipegket iti kudil a mangitunda ti problema iti panaganges ken pannakadadael ti kidney.
Nagkiddaw ti grupo iti gobierno a mangikabil kadagiti pagannurotan seknan iti panaglako ken produksion dagitoy tapno maprotektaran ti salun-at ti publiko ken ti aglawlaw.
Basar pay iti EcoWaste a ti Cadmium ket maysa kadagiti 10 a listaan a chemical a maibilang a dakkel a problema iti salun-at ti World Health Organization (WHO).
