LAOAG CITY – Nagballaag ti Environmental group nga EcoWaste Coalition iti publiko iti panaggatang kadagiti Labubu items nga addaan ti lead a narisgo para kadagiti tattao.
Inbatad ti EcoWaste a naobserbaranda a ti Labubu-inspired items ket nagraira idiay Divisoria, Manila no sadinno a mailaklako ti Labubu kas ti stuffed toys, key chain ken phone accessories a nalaka ti presiona.
Naammoan a dagiti Labubu-inspired products kangrunaanna kadagiti ay-ayam ket mailaklako nga awan ti kasapulan nga authorization ken labeling information.
Naobserbaran ti EcoWaste ti polyvinyl chloride (PVC) plastic ti 24 kadagiti 42 nga item.
Basar iti EcoWaste, ti PVC plastic ket masansan a naglaon ti sumagmamano a chemical additives pakairamanan ti lead a maus-usar kas stabilizer wenno colorants ken phthalates kas plasticizer.
