LAOAG CITY – Naipatungpal ti Enhanced Community Quarantine iti Sitio Dungtal, Karuked ken Baldias iti Barangay 23 ken Sitio 1 ken Sitio 2 iti Barangay 13 iti siyudad ti Laoag gapu iti agtultuloy a lockdown gubuay ti covid-19.
Basar iti pakdaar ti lokal a gobierno ditoy siudad, maiparit a rumuar dagiti residente ken ti panagwarang-warang iti kalsada.
Daytoy ket pakairamanan ti saan a maipalubos a panagga-ayam dagiti ubing iti ruar ken ti aniaman a klase ti mass gatherings.
Dagiti laeng mapalubusan a residente a rumuar kas nailanad iti iti Executive Order ni Mayor Michael Marcos Keon ket dagiti health workers ken hospital personnel, dagiti miyembro ti PNP, BFP, AFP ken government workers nga agserserbi a frontliners, Service workers nga agpapaay kadagiti parmacia, drug stores ken death care service establishments.
Kabayatanna, karaman pay dagiti barangay officials, kameng ti media nga accredite ti Presidential Communications Operation Office ken IATF.
Dagiti agtratrabaho nga adda pakainaiganna iti agrikultura, forestry, fisheries ken dagiti mannalon.
Nu pay kasta, nasken a masurot dagiti naiyetnag nga health protocols pakiarmanan ti maipatpatungpal a curfew a manipud alas siyete iti rabii aginggana iti alas singko ti bigat.
Maipalagip a kalpasan a nagpositibo ti covid-19 ni IN-C134 a maysa nga ambulant vendor ket nagsasaruno a naimaldit ti kaso iti Brgy. 23 nu sadino nga iti kaudian a rekord ket 21 dagiti nainayun.
