LAOAG CITY – Maysa a natibker a team ti ipakita ti Gilas Pilipinas iti second window ti 2025 FIBA Asia Cup Qualifiers a maiyuswat inton Nobiembre 21 ken 24 iti Mall of Asia Arena idiay Pasay City.
Kumpirmado ti pannakipaset da bigmen AJ Edu ken Kai Sotto tapno papigsaen ti Gilas squad a sumabak kontra iti New Zealand ken Hong Kong.
Daytoy ti kinumpirmaran ni Gilas team manager Richard del Rosario no sadinno a kunana nga addan iti napintas a kondision ni Edu a manarimaan nga agay-ayam iti Nagasaki Velca iti Japan B.League.
Dakkel ti maitulong ni Edu kangrunaanna iti laban ti Gilas kontra iti New Zealand nga addaan ti natatayag a lineup.
Maipalagip a saan a nakaay-ayam ni Edu iti first window idi Pebrero gapu ta agpapaimbag daytoy gapu iti injury-na.
Saan pay a nakaay-ayam ni Edu iti laban ti Gilas iti FIBA Olympic Qualifying Tournament idiay Riga, Latvia idi Hulio.
Iti agdama, addaan ti average ni Edu a 7.1 points, 6.3 rebounds ken 1.7 blocks iti panagay-ayamna para iti Nagasaki.
