LAOAG CITY – Kinumpirmaran ti Malacañang ita a Miyerkules, Abril 15, 2026, ti panagbaba ni Eduardo Año kas National Security Adviser.
Segun ken ni Presidential Communications Office Undersecretary Claire Castro, inawat ni Presidente Ferdinand Marcos Jr. ti resignation ni Año.
Dagus met a naisukat ni dati nga Armed Forces chief Eduardo Oban Jr. tapno idaulwan na ti National Security Council, a nagmarka ti alisto a transisyon iti panangidaulo iti seguridad ti paglian.
Ni Año, a dati a nagserbi kas sekretaryo ti Department of the Interior and Local Government iti babaen ti administrasyon Duterte, ket nagretiro kalpasan ti nasurok a tallo a dekada iti serbisyo iti militar ken gobierno.
Ti kellaat a panagbalbaliw iti liderato ti National Security Council ket dimteng iti baet dagiti sensitibo nga isyu iti seguridad, karaman ti kumarkaro a tensyon iti West Philippine Sea ken dagiti naguneg a pangta iti pagilian, rason a nagbalin a kritikal ti dagus a pannakadutuk ken ni Oban Jr. tapno masigurado ti agtultuloy a panangidaulo kadagiti saritaan ti national security iti West Philippine Sea.
