LAOAG CITY – Inpakaammo ni SK Chairman Renier Subia iti Brgy. 15 iti ili ti Bacarra a nga adda ti 53 nga estudyante iti barangay da ti naikkan ti education assistance.
Segun ken ni Subia, 33 a college student ken dua nga estuaydnte ti Alternative Learning System (ALS) ti naikkan ti sag-3,000 a pisos nga education assistance.
Kuna na a karaman pay ditoy dagiti 18 nga high school students a nakaawat met ti 2,500 a pisos iti tunggal maysa.
Inlawlawag ni Subia a ti naggapoan a ti pondo para iti educationa assistance ket 10% ti 2022 SK fund iti barangay da.
Inbatad na a gapu ta ado ti saan a nausar a pondo idi tawen 2021 ket naiyalokar ti dadduma para iti tulong kadagiti estudyante nu sadino nga umabot iti 150,000 ti nausar para iti education assistance.
Immunan nga inbatad ni Subia a sipud nagserbi iti barangay ket ti pannakaitandudo ti edukasyon dagiti agtutubo ti kangrunaan a prayoridad na.
Innayun na a plano na nga itultuloy ti pannakaipaay ti nasao a tulong kadagiti kabarangayanna agingga nga agngudo ti termino na kas SK chairman ken laketdi adda ti makaanay a pondo para iti daytoy.
Kabayatanna, inpakaammo ni Subia a malaksid iti barangay da ken addan ti immuna a barangay a nangiyimplimentar iti distribusyon ti tulong pinansyal kadagiti estudyante.
