LAOAG CITY – Nangabak ti Egypt kontra iti Gilas Pilipinas iti iskor nga 86-55 iti naudi nga ay-ayam iti 2nd Dubai International Cup.
Inusar ti Egyptian players ti kinatayag ken kinaalistoda isu a saan a nakalamang iti maysa a quarter ti Gilas.
Indauloan ni 7-foot-2 a ni Omar Tarek ti Egypt idinto a ni Ehab Amin Saleh ket isu ti nakaaramid ti nagsasaruno a three-points.
Nasayang met ti naaramid ti 18 points ni Justine Brownlee no sadinno nga isuna laeng ti nakaala ti double figures iti scoring.
Maipalagip a ti laeng host country a Qatar ti inabak ti Gilas iti iskor a 74-71 iti umuna nga ay-ayamda.
Immunan nga inbatad ni Gilas coach Tim Cone a ti nasao a friendly games ket panagsagsaganada iti last window ti FIBA Asia Cup Qualifiers a maiyuswat inton sumaruno a lawas a makalabanda ti Taiwan ken New Zealand.
