LAOAG CITY – Indasar ni Egyptian President Abdel Fattah el-Sisi ti dua nga aldaw a ceasefire deal iti Gaza.
Iti naiyuswat a taripnong daytoy kaduana ni Algerian President Abdelmadjid Tebboune iti Cairo, kunana a babaen iti ceasefire ket maaddaan ti panagsinnukat dagiti hostage dagiti Israel ken dagiti sumagmamano a Palestinian prisoners.
Ti nasao a panagsinnaritada ket agtultuloy agingga iti uneg ti 10 nga aldaw ti pannakaipatungpal ti temporario a ceasefire para iti naan-anay a panagsardeng ti rinnupak.
Mangnamnama ti Egyptian President nga agbalin a napintas ti resultana ti naisayangkat a taripnong dagiti delegasion ti Israel nga adda idiay Qatar.
