LAOAG CITY – Binigbig ti Guinness World Records ti Eiffel Tower a naaramid iti matchstick.
Ti 23 a kadapan a matchstick tower ket inaramid ni Richard Plaud ti Montpellier-de-Médillan, France.
Inaramid ti agtawen ti 47 ti nasao a tower iti uneg ti walo a tawen.
Bukbuklen daytoy ti 706,900 a palito ti posporo ken 23 a kilo a glue.
Idi immuna ket diniskualipikar daytoy ti Guinness gapu ta aramid iti sabali a klase ti posporo.
Nupay kasta, kalpasan ti maysa nga aldaw ket inbabawida met laeng daytoy.
Gapu iti daytoy, inabakna ti immuna nga akin-iggem ti rekord a ni Toufic Daher manipud idiay Lebanon nga addaan ti kangato a 21 a kadapan iti Eiffel Tower idi 2009.
