LAOAG CITY – Napaay a makagun-od ti medalya ti Paris Olympic-bound a ni Ernest John “EJ” Obiena kalpasan a naglippas laeng iti maikapat a puesto iti Wanda Diamond League – Meeting De Paris iti Stade Charlety Paris idiay France.
Naartapan ni Obiena ti 5.75 meters ken naka-tie daytoy ni Emmanouil Karalis ti Greece.
Nupay kasta, napaay nga immabante ni Obiena kalpasan a saanna a naartapan ti 5.85 iti dua nga attempt ken 5.95 met iti maudi nga attempt.
Immuna iti event ti defending Olympic champion a ni Armand Duplantis ti Switzerland nga addaan ti 6.00 a sinaruno ni Sam Kendricks ti United States nga addaan ti 5.95. Naala ni Thibaut Collet ti France ti maikatlo a puesto nga addaan ti 5.85.
Namnamaen met a makagun-od ti puesto ti agtawen iti 28 a ni Obiena iti Paris Olympic Games iti bileg ti global ranking kaduana ni Duplantis nga akin-iggem ti world record a 6.24 meters nga isuna laeng ti umun-una kenkuana.
