LAOAG CITY – Mamati ni Olympic pole vaulter EJ Obiena nga adu pay dagiti pole vaulter iti pagilian ti agballigi.
Inbatad ti world number 3 pole vaulter nga addaan ti istilo dagiti Pinoy a mabalin a mangabakda iti nasao nga sports.
Ginutigotna ti gobierno ken dagiti sumagmamano a pribado a kompania nga ag-invest iti nasao nga sports tapno makaala ti nalalaing a pole vaulters.
Iti agdama, adda ni Hokett Delos Santos ti silver medalist iti Southeast Asian Games idiay Vietnam.
Kuna ni Obiena a nakasagana a tumulong tapno maasa dagiti sumaruno a sikat a pole vaulter iti pagilian.
