LAOAG CITY – Nagun-od ti Filipino Olympian ken pole vaulter a ni EJ Obiena ti kaunaan a gold medal ti Pilipinas iti 19th Asian Games idiay Hangzhou, China.
Nagturay ni Obiena iti pole vault finals ta isu laeng ti nang-clear iti 5.75 meter mark kalpasan ti two attempts.
Na-clear pay ni Obiena ti 5.90 meters iti umuna laeng a panangpadas na a nangitunda ti pannakagun-od nan ti gold medal.
Ginandat ni Obiena nga i-clear ti 6.02 meters ngem napaay daytoy.
Ni Obiena ket agdama nga iggem na ti Asian record iti 6.0 meters.
Kabayatanna, agpapan maisursurat daytoy a damag ket addaanen ti Pilipinas ti maysa a silver medal ken innem a bronze medals.
