LAOAG CITY – Naragsak nga inburay ni Olympic pole vaulter EJ Obiena a daytoy ket nagimbagen ti lower back injury-na.
Inbatadna a nakaala daytoyen ti clearance manipud iti doktorna a ni Dr. Alessandro Napoli ken kinumpirmanna a nagimbagen isuna.
Kunana a daytoy ti rason no apay a saan a nakipaset isuna kadagiti nagduduma a torneo iti ballasiw-taaw.
Nagyaman isuna kadagiti fans ken supporters-na a nagkararag iti panagimbagna.
Immunan nga inbatad ni Obiena a kalpasan a simmabak isuna iti Paris Olympics ket agpaimbag pay laeng gapu iti back injury-na.
Kalikagumna a sumabak kadagiti international events inton sumaruno a tawen.
