LAOAG CITY – Nakagun-od ti silver medal ni Pinoy pole vaulter EJ Obiena iti Oslo Bislett Games idiay Norway.
Nagbalin a nadalus ti 5.72 meters-na nga umdas para iti maikadua a puesto.
Naitablana iti posision ni Emmanouil Karalis ti Greece.
Nagyaman ni Obiena kadagiti padana a pole vaulter nga isuda first-placer KC Lightfoot ken Menno Vloon ti the Netherlands gapu iti panangpabulud kenkuana kadagiti pole.
Maipalagip nga iti napan nga aldaw ket naglippas laeng isuna iti maikapito a puesto iti Ostrava Golden Spike iti Czech Republic kalpasan a naisubli kenkuana ti pole.
