LAOAG CITY – Inrakurak ni Presidente Ferdinand Marcos Jr. a pimmigsan ti ekonomia ti pagilian.
Daytoy ti inpakaammo ti Presidente iti naiyuswat a multi-billion fleet expansion ti kompania a Cebu Pacific.
Inbatad ni Presidente Marcos a maysa a dakkel nga addang ti inaramid ti kompania.
Sumurok 100 nga eroplano manipud iti kompania nga Airbus nga agbalor iti $24 bilyon ti gatangen ti Cebu Pacific.
Maibilang met daytoy a kadakkelan nga aircraft order iti Philippine aviation history.
Kuna met ni Chief Executive Officer ti Cebu Pacific a ni Michael Szucs, ti planoda ket indikasion ti panagtalekda iti taray ti ekonomia ti Pilipinas iti babaen ti Marcos administration.
Innayonna a daytoy ti wagasda tapno ipakita ti suporta iti gobierno nga aramiden a competitive ti aviation industry ti pagilian.
