LAOAG CITY – Dimmur-as ti Gross Domestic Product (GDP) ti Pilipinas ken nakairekord ti panagngato a 5.2 percent iti maikapat a kuarter idi 2024.
Basar iti Philippine Statistics Authority (PSA), daytoy ket manipud iti nairekord a 5.5 percent a panagngato iti kapada a kuarter iti napalabas a tawen.
Iti pakabuklan a tawen ti 2024, ti Gross Domestic Product ket nakairekord ti panagngato a 5.6 percent.
Daytoy ket nangatngato iti nairekord a 5.5 percent idi 2023.
Ti Gross National Income (GNI) ket nakairekord met ti panagngato a 6.2 percent iti maikapat a kuarter idi 2024.
Ti Net Primary Income (NPl) manipud iti dadduma pay a paset ti lubong ket ngimmato ti 14.1 percent.
Iti pakabuklan a tawen 2024, ti Gross National Income ket ngimmato ti 7.6 percent.
Kabayatanna, ti Net Primary Income ket ngimmato ti 26.1 percent.
Iti seasonally-adjusted national accounts, iti maikapat a kuarter iti tawen 2024, ti Gross Domestic Product ket nakairekord ti quarter-on-quarter a panagngato a 1.8 percent.
