LAOAG CITY – Nagpalagip ti maysa nga eksperyo kadagiti simple nga addang iti salun-at tapno maliklikan a makaptan ti super flu, maysa a variant ti influenza A.
Segun ken ni Dr. Evalyn Roxas, infectious disease specialist ti UP Manila, ti usto a panagdaldalos, panagbalin a responsible, ken bakuna ti kangrunaan a depensa kontra iti influenza.
Karaman kadagiti addang ti masansan a panagdalos ti ima, usto a wagas ti panaguyeg ken panagbaeng, panagsuot ti facemask no makarikna kadagiti sintomas.
Innayon na a saan a kasapulan nga isardeng ti tradisyunal a panagmano basta adda ti usto a panagdalos ken napateg nga agtalined iti balay no adda ti sakit tapno saan a makaakar ti sabali.
Dinakamat pay ti infectious disease expert a dagiti lugar a pagdudupudan dagiti tattao ket nangatngato ti peggad, aglalo kadagiti nakapsot ti immune system na isut gapuna a liklikan ti agturong ita a panawen.
Innayon na a ti tinawen a flu vaccination ket epektibo ken naan-anay nga mairekrekomendar tapno maprotehiran ti bagi kontra iti influenza.
