LAOAG CITY – Narekobre ti maysa nga M26 Hand Granade iti arubayan ti maysa a pagtaengan iti Brgy. Paltit iti ili ti Badoc.
Segun kenni Police Capt. Joseph Tayaban, hepe ti PNP Badoc, maysa nga agnagan iti Jose Corpuz y Tajon, agtawen ti 65, naasawaan, retirado a security guard ken residente iti nasao a barangay iti nakakita iti nasao a granada.
Kunana a mabalin pay a bumtak ti nasao a granada nupay daanen daytoy.
Immuna iti daytoy, nagresponde a dagus dagiti kameng ti PNP ken Ilocos Norte Provincial EOD K9 Unit kalpasan a naipakaamo kadakuada ti nasao a pasamak.
Naipaiman met nga insigida kadakuada ti nasao a eksplosibo para iti naan-anay a disposisyon.
