LAOAG CITY – Nakastreken ni Eldrew Yulo iti finals ti men’s horizontal bar iti 2026 World Cup Series Cairo Leg a naisayangkat iti Cairo International Stadium idiay Egypt.
Nagpakita ti solido a routine ni Yulo tapno makaukkon ti 13.466 puntos a naalana ti 4.900 difficulty ken 8.566 execution iti qualifying round.
Inokuparan ni Yulo ti maikatlo a puesto iti eight-man finalists iti nasao nga event.
Indauloan ni Li Hong Yan ti China a nagrehistro ti 14.433 puntos (5.800 difficulty ken 8.633 execution) idinto a maikadua ni Luciano Letelier ti Chile nga addaan ti 13.533 (5.300 difficulty ken 8.233 execution).
Nakastrek iti finals da Marios Georgiou ti Cyprus nga addaan ti 13.366 points, Camilo Vera ti Colombia nga addaan ti 13.366, Daniel Marinov ti Russia nga addaan ti 13.000, Ilyas Azizov ti Kazakhstan nga addaan ti 12.800 ken Nikolaos Iliopoulos ti Greece nga addaan ti 12.666.
Naglippas iti maika-10 a puesto ti maysa pay a Pinoy a ni Juancho Miguel Besana a nakagun-od ti 12.233 puntos.
