LAOAG CITY – Inadmitir ni Sangguniang Bayan Member Apolonio Medrano iti ili ti Sarrat a saan a nakabotos dagiti pada na a konsehal idi adda da iti polling place iti SMX convention center.
Kuna na a nakabaybayag da a nagur-uray kadua na dagiti konsehal iti nasao nga ili agraman ni ABC President Virgilio Calajate iti ili ti Badoc.
Segun kenni Konsehal Medrano, intalaw dagiti maseknan dagiti machine a pagbotosan tapno mabotosan da dagiti dua a kandidato para iti posisyon a national chairperson.
Aglablaban da da Davao City Councilor Danilo Dayanghirang kenni Polangui Councilor Jesciel Salceda para iti nasao a posisyon iti Philippine Councilors League.
Mainaig iti daytoy, kuna ni Konsehal Medrano a maipagarup nga adda ti anomalya iti election para ti national chairperson gapu ta imbes a ni Salceda ti rumwar iti resulta dagiti botos dagiti immuna a nagbaots ket Dayanghirang ti rumwar.
Inbatad na nga agriri dagiti partido dagiti dua a konsehal a kandidato ken dakkel a kuarta dagiti nasayang gapu ti saan a natuloy nga election iti PCL.
Innayon ni Medrano a no mapalabas ti 60 nga aldaw ket maiwayat manen ti election ngem iti kada rehiyon wenno iti kada probinsya iti pakaiwayatan ti panagbobotos.
