LAOAG CITY – Pinalagipan ni Atty. Julius Balbas, ti Comelec Officer ditoy ciudad ti Laoag dagiti saan pay a nakarehistro para iti masungad a Barangay ken SK Elections.
Segun kenni Balbas, masapol a gundawayan dagiti tattao ti sumagmamano pay nga aldaw wenno agingga intono Enero 31 a deadline iti panagparehistro.
Inlawlawag na nga iti agdama, umaboten iti 840 dagiti baro a naparehistro no sadinno, karaman dagitoy dagiti nagpakorehir ti datos na ken dagiti immakar manipud iti nagduduma nga ili.
Kunana a namnamaen da pay ti nasurok sangaribo nga agparehistro nga agparehistro iti nabatbati pay nga aldaw.
Inpetteng na a saanen a maiyalud-od ti panagparehistro.
Kabayatanna, innayon na nga apaman a malpas ti panagparehistro ket manamnama nga umabot iti 84 a ribo a nasurok.
