LAOAG CITY – Kinumpirmaran ni Atty. Julius Balbas, Election Officer ditoy siudad ti Laoag nga adda dagiti maaw-awatda a text messages mainaig iti maipagarup a vote buying.
Inlawlawagna a no kakastoy a banag ket dagiti mismo complainants ti agturong iti opisinada tapno maikkan ti actions ken procedures dagitoy a reklamo.
Kunana a kasapulan nga adda ti formal complaint, adda ti ag-witness, adda ti ebidensia a maidatag kas ti picture wenno video a mangipaneknek, testimonia kadagiti karaman nga isuda ket nabayadan.
Innayon ni Atty. Balbas a nagtalinaed a green category ditoy siudad ti Laoag kabayatan iti agtultuloy a campaign period.
