LAOAG CITY – Saan a napalubusan dagiti kameng ti media nga imatangan ti election protest nga inpila ti naabaak a kapitan ti Bgy. Caruan Renato Aguba kontra iti nangabak a Bgy. Chairman George Ragonjan ti nasao a barangay.
Daytoy ket kalpasan nga immandar ti Korte iti ili ti Pasuquin a “clsed door “ dagiti kameng ti media ti nasao a recount tapno awan ti makaibayag.
Mainaig ti daytoy, itay laeng immuna a gundaway ket addan ti naiparuk-at a resulta ti naiyuswat a recount no sadinno a pabor daytoy ken ni Ragunjan.
Iti balbaliw a pannakabilang ti botos ket 11 a botos ti nangitarayan ni Ragunjan ken ni Aguba.
Maipalagip nga itay napalabas nga elections ket 13 a botos ti nangitarayan ni Ragonjan ken ni Agoba.
