LAOAG CITY – Mamati ni dati a Senador Bongbong Marcos a madesisyunanen ti inpila na nga election protest kontra ken ni Vice President Leni Robredo iti babaen ti liderato ni Chief Justice Lucas Bersamin.
Inlawlawag ni Marcos nga idi panawen ni dati a Chief Justice Ma. Lourdes Sereno ket amin nga ar-aramiden da ket maipagarop nga adda ti manglaplapped idinto nga ababa laeng ti panagtakem ni dati a Chief Justice Teresita Leonardo- de Castro.
Inbatad na a 11 a bolan nga agtugaw ni Bersamin kas chief justice isut gapuna a patien na a makadesisyon a naimbagen ti Korte Suprema seknan ti inpila na nga election protest kontra ken ni Robredo.
Malaksid ti daytoy, ni Bersamin ket respetado dagiti pada na a huwes isut gapu na a mamati a madesisyunanen ti inpila na a reklamo kontra ti bise presidente iti kabiitan a panawen.
