LAOAG CITY – Inbatad ni Mr. Herdy Yumol, maysa a sociologist a naglevel-up ti kalepleppas nga SK ken barangay Elections mainaig ti vote buying ken ti pannakibiang dagiti local nga opisyal ditoy probinsya nga Ilocos Norte.
Inlawlawag na a kadagiti naglabas nga eleksyon ket saan unay a madlaw nga adda dagiti agbaybayad ken no adda dagiti local nga opisyal a makibibiang.
Nupay kasta, iti kalepleppas nga eleksyon ket kimmaron ti sitwasyon seknan ti vote buying ken ti pannakibiang dagiti local nga opisyal.
Kinumpirmaran pay ni Yumol a ti kangatoan a naibayad kadagiti botante iti napalabas nga eleksyon ket pito ribo a pisos ken dinakamat na a ti nakapasamakan daytoy ket iti ili a Bacarra.
Kabayatanna, kuna ni Yumol a ti panaggatang ti botos ket saan a panigurado tapno mangatiw ti maysa a kandidato.
Innayon na nga uray ti pannakaiyendorsar ti maysa a kandidato babaen ti local nga opisyal kas ti mayor ket saan pay nga panigurado tapno mangatiw ti maseknan.
