LAOAG CITY – Linawlawagan ni Election Officer Dolores Hipona idiay ili ti Paoay ti reklamo a naidanon iti Bombo Radyo kontra iti opisina da.
Daytoy ket mainaig ti maipagarop a panagus-usar dagiti empleado ti cellphone kabayatan ti office hours wenno oras ti trabaho isut gapuna a saanda a maasikaso a naimbag dagiti mapan iti opisina da.
Inadmitir ni Hipona a saan a maliklikan nga agusar da ti cellphone no adda da ti trabaho da ngem inpasigurado na a daytoy ket adda pakainaigan ti trabaho da.
Kuna na a saan a mabalin a saan da a sungbatan no adda ti tumawag kadakuada kangrunaan na no pakaseknan ti trabaho ken saan da a makitsis-tsismis laeng.
Innayon na a saanda a masango ti makitsismis iti cellphone gapu ta makumikum da iti agdama kangrunaan na ket dandanin ti deadline ti panagawat da ti SOCE wenno Statement of Contribution and Expenditures dagiti kandidato iti napalabas nga eleksyon.
Kuna na pay nga usaren da ti cellphone da a pangkontak kadagiti maseknan tapno palagipan da dagitoy a mapan agisumitir ti SOCE da.
Election Officer Dolores Hipona
